A hre tawh tan chuan eng thil mai pawh hi a ho toh thin a. ‘Marawhchu, hei hi a pawimawh a, he post zawh atang hian HTML te, CSS lamah te zirna kan tan ang a. Chumi a nih dawn avang chuan he post hi thil ho te mah ni sela, a pawimawh a ni.
WWW hrilhfiahna. WWW chu World Wide Web tihna a ni a. Hei hi a tawi zawng a Web kan tih mai pawh hi a ni a. Mi tam takin ‘Web ka surf dawn’ an tih pawh hian hei hi an sawi tumna a ni. Chu Web tihah chuan khawvel hmun hrang hranga computer tam tak (a zawng zawng a ni lo) hi a inthlunzawm a. Chu computer inthlunzawmte chu an inbe pawp thei a. Heta inbiak pawh nan hian HyperText Transfer Protocol (HTTP) hman a ni a.
Ti hian i ngaituah teh ang. Mi pahnih ding dun ta ila, kan inbiak pawh duh chuan kan tawng kan inhriat tawn emaw, kan zaizir kan inhriatthiam sak tawn emaw a ngai a. Chutiang chiah chuan computer-te pawh an inbiak dawn hian an inkarah inhriatthiamna a awm a ngai a. Chu inhriatthiamna nei tur chuan dan leh hrai leh tihdan duan sa kha a awm a, chu chu protocol an ti a. Protocol chu tam tak a awm a. Chung zinga pakhat chu HTTP kan tih hi a ni.
Web Page leh Browser thawh dan.Web a thil kan hmuh theih chi hrang hrangte chu Web Page-ah a in-store a. Chung web page te chu server (nachin a computer inthlun zawm kan tihte)-ah khan a awm a. Keini chung a web page-te han en leh hmangtute chu Web client emaw client emaw an ti a. Web client chuan kan computer-ah khan software, chung web page te kan en theih na atan chuan kan mamawh a, chu chu Web browser an ti a. Web Browser lar zual deuh deuh te chu - Internet Explorer, Mozilla Firefox, Opera, Safari te an ni.
Web browser-ah chuan web page kan browse (en emaw hman duh emaw) duh kha a page awmna address kan type ta a. Browser chuan Server-ah khan HTTP request han siamin, kan web page en duh kha browser ron kaltlang lehin kan hmu thei ta thin a ni.
Chung web page-ah te chuan browser-in a tihlan dan tur instruction te bakah a rawn lang tur thil dang (thu inziak te, milem te leh a dangte) kha a awm a. Instrution chi hrang hrang tam tak a awm a, chung zinga a langsar ber chu HTML tag hi a ni.
HTML chu post lo la awm tur engemaw zat a kan zir tur chu a ni dawn ta a ni! Haha
June 8th, 2008 at 7:22 pm
tha thei trhuai trhuai khop mai… a reng reng ah i dam a mo?
June 9th, 2008 at 11:08 pm
dam ee… hei HTML lam ziah ka tum deuh a… Kan test leh laklawh a. Ka ron ziak tan tep ang
June 12th, 2008 at 8:00 pm
nia han ti teh mizo ngeia chhiar te hi nuam ve lom…. nang nge nge
July 3rd, 2008 at 4:48 am
ti tha hle mai.
July 6th, 2008 at 1:36 am
banner thar i nei a nimo? nalh khop mai…
July 13th, 2008 at 8:48 am
WWW i hrilhfiah na ah khian, kei ve pui rouh hian ka hrilhfiah ve dan chu maw…
Heti zawng hian i ngaihtuah chhin teh ang, Thanga khan Mawii kha phone ah a be duh ta a, Mawii ka be duh a tih vang ngawt in a be thei lo, phone a a biak dawn miau avangin, Mawii nen a an inbiak hma hian tih hmasak tur a awm, eng… handset a la kang anga.. dial tone a awm em..a awm chuan, a dial anga, a ring anga.. Mawii khan phone a lo lak kan ve a ngai, a lak loh chuan a be thei chuang lo.. heng thil chi hrang hrang tih hmasak ngai leh tih chhunzawm ngai hi Protocol ( a set of rules/instructions to be done ) chu a ni.
Web kan browse hian.. kan en kual tihna a ni mai a.. dawr ah thil i va browse chuan.. dawr ah eng eng emaw i va en kual tihna a ni. Website pakhat hi lehkhabu pakhat ang ni ta se.. web page chu lekhabu a phek khat ang hi a ni mai ang chu, phek hrang hrang i en kual duh a, computer ah chuan, lehkhabu ang in, i keu kual thei lo, i keu kual theih na chu.. LINK/S a ni.. Hyperlinks kan tih hi web page han keu kual na chu a ni mai. Web page pakhat i en duh a.. link i click atrang page pakhat chu i browser chuan a va dil ta a..webserve chuan a lo remtih avang in, i en theih in a rawn thawn ve ta che a….. i browser chuan ah han download a… page a thu leh pic. a load/download zawh hian, websever nen in in-connect na hi a tawp a ni.. a tawp a.. a tawp chiah lo a ni bawk ang chu.. link dang i click leh hma chu.. connection hi a tawp kan ti thei ang chu.. ‘connectionless connection’ an ti… te lo ti ve duah ila..
July 16th, 2008 at 10:53 am
in ti lawmawm e….
alexxfender hrilhfiah dan hi tha khawp mai
July 26th, 2008 at 12:43 pm
tha thei khop mai…kan var leh ta kuar e. mhse zawh duh ce ka nei: web browser ho zingah hian competition a va nasa ve? pawisa lakluhna awm ka hre si lova… hehe. just a question in my mind…
August 2nd, 2008 at 2:56 am
A dik khawp mai… Inel nasa tak an ni.
Ka hmuh dan chuan Free Software and deuh tho hi a ni. Kan hriat lem loh hian sponsorship te, advertisement te hi nasa takin an lo hmu thin a. An project senso mai bakah an tana hlawkna tur nasa tak hi a lo awm thin a, reputation te chu sawi tel ta lo ila.
Example tha tak pakhat chu Ubuntu Linux OS hi. Free shipping an tia, Canonical ho hian an ship na tur man zawng² hi a thlawnin an tum sak vek…!
August 6th, 2008 at 1:10 pm
thanx again…nang nge nge.thil dang daih, keichu blog ah hian thil dah tur hi ka van thei rap mole! lolx
August 13th, 2008 at 3:34 pm
bengvar thlak thei khop mai!! ti thra thrin e! han ti xel teh nang nge2.kn var ve deuh kuar toh ania..hehe
August 23rd, 2008 at 1:10 am
Hetiang a, free a ti chho ve naw naw.. an len hnu a. microsoft ho in an lei tak te pawh an awm nual.. http://www.sysinternals.com te pawh kha… han browse leh dawn teh.. microsoft site ah a lut hmak hmak tawh mai ang.. akkekee
Firefox te pawh hi nakin ah chuan.. codeAries-a hian a la lei sak daih mai thei bawk.