iBlawk.com

A hre tawh tan chuan eng thil mai pawh hi a ho toh thin a. ‘Marawhchu, hei hi a pawimawh a, he post zawh atang hian HTML te, CSS lamah te zirna kan tan ang a. Chumi a nih dawn avang chuan he post hi thil ho te mah ni sela, a pawimawh a ni.

WWW hrilhfiahna. WWW chu World Wide Web tihna a ni a. Hei hi a tawi zawng a Web kan tih mai pawh hi a ni a. Mi tam takin ‘Web ka surf dawn’ an tih pawh hian hei hi an sawi tumna a ni. Chu Web tihah chuan khawvel hmun hrang hranga computer tam tak (a zawng zawng a ni lo) hi a inthlunzawm a. Chu computer inthlunzawmte chu an inbe pawp thei a. Heta inbiak pawh nan hian HyperText Transfer Protocol (HTTP) hman a ni a.

Ti hian i ngaituah teh ang. Mi pahnih ding dun ta ila, kan inbiak pawh duh chuan kan tawng kan inhriat tawn emaw, kan zaizir kan inhriatthiam sak tawn emaw a ngai a. Chutiang chiah chuan computer-te pawh an inbiak dawn hian an inkarah inhriatthiamna a awm a ngai a. Chu inhriatthiamna nei tur chuan dan leh hrai leh tihdan duan sa kha a awm a, chu chu protocol an ti a. Protocol chu tam tak a awm a. Chung zinga pakhat chu HTTP kan tih hi a ni.

Web Page leh Browser thawh dan.Web a thil kan hmuh theih chi hrang hrangte chu Web Page-ah a in-store a. Chung web page te chu server (nachin a computer inthlun zawm kan tihte)-ah khan a awm a. Keini chung a web page-te han en leh hmangtute chu Web client emaw client emaw an ti a. Web client chuan kan computer-ah khan software, chung web page te kan en theih na atan chuan kan mamawh a, chu chu Web browser an ti a. Web Browser lar zual deuh deuh te chu - Internet Explorer, Mozilla Firefox, Opera, Safari te an ni.

Web browser-ah chuan web page kan browse (en emaw hman duh emaw) duh kha a page awmna address kan type ta a. Browser chuan Server-ah khan HTTP request han siamin, kan web page en duh kha browser ron kaltlang lehin kan hmu thei ta thin a ni.

Chung web page-ah te chuan browser-in a tihlan dan tur instruction te bakah a rawn lang tur thil dang (thu inziak te, milem te leh a dangte) kha a awm a. Instrution chi hrang hrang tam tak a awm a, chung zinga a langsar ber chu HTML tag hi a ni.

HTML chu post lo la awm tur engemaw zat a kan zir tur chu a ni dawn ta a ni! Haha

Ka comment vak lo mai ang.

Read more »

May 26-ah PC World chuan Best Product of 2008 an ti chhuak der tawh nia! Hulu (Youtube ang deuhin) bul a tan a. Apple iPhone, 2007 a release tawh te, Facebook 2004 kuma release tawhte chu 2008 product zinga tha an tih pathumnaah a lang phak nia! Windows XP an la rawn chhunzawm tir talh bawk a.

Sawi tam vak chi pawh a nih hmel loh…haha. A duh tan chuan an list hi hetah hian en ve mai chi a ni e.

Walt Mossberg leh Kara Swisher bulah Bill Gates leh Steve Ballmer te chuan Windows 7, Windows Vista zawha Microsoft Windows thar tur a mi feature thenkhat an pho lang a. Chung zinga sawi hlawh tak mai chu ‘multitouch support’ a ni. He multitouch support technology hi Surface team ho siam chhuah a ni. Tin, Windows taskbar te pawh a ti danglam niin a lang a. He an Windows 7 demo hi Dell Latitude XT ah an run a ni.

Steve Ballmer chuan Windows Vista kan release atanga kum thumah kan release ang a ti.

An interview detail zawka chhiar duh tan hetah hian chhiar tur a awm e. Click here

Sources: Engadget, Techcrunch

May 6, 2008 khan Microsoft chuan Mizoten a Operating System hman nuam kan tih ber mai, Windows XP atan Service Pack 3 an rawn release ve leh ta a. Windows XP SP3 hian security update, SP2 release hnu a mi zawng zawng a rawn ken bakah function thar tlem a zawng a rawn keng tel a. Amaherawhchu, User Interface erawh chu engmah a rawn thlak danglam lo a ni.

Download link : Here
File Size : 316 MB

Web Design a thil pawimawh tak pakhat chu kan font lan dan hi a ni a. Font thlan thiam leh thiam loh kar a hla hle a; ‘marawhchu, a pawimawhna hi mi tam takin kan la man pha lo niin a lang. Mizo website tharlam ang reng takah chuan an news post pawh kha a font inang lo sungin an tia, hmuh a ti hreawm em em a ni. Uniformity te, legibility te a pawimawh a, italic hun te, bold hun te, underline hun te hriat a ngai hle a ni.

Chutiang atanga tangkai tak mai, website a awm a. He website - Typetester-ah hian font hrang hrang a rualin pathum a compare theih a. A rualin font chi thum a compare theih a, a tangkai hle a ni. A font ringawt a compare bakah a size te, color te, background te, wordspace leh a dang tam takah a compare theih a. Hman tangkai viau chi!

Karnataka State inthlan tur avangin May 4-26 kan chawl dawn a; chuvang chuan Aizawl lamah ka haw chho don… Yummyyyy… Aizawl vawksa ringawtin ka rilru a luah tawh…HAHA! May thla tawp lamah chuan kan Blog leh par par tawh ang chu maw, Pathian zarah.

‘Intitle’ parameter chungchang kan sawi hmasa ang a. Intitle kan sawi hmain enge title chu kan hriat phawt a ngai a. Title chu kan browser hman (firefox, Internet Explorer) a title bar sawina a ni a. A hnuaia picture a mi ang hi.

Title hi Website a thil ziak tuten an thil ziah pawimawh thailan nan an hmang nasa hle a. Tin, search engine te pawhin a ngai pawimawh a. Thu pawimawh lai a ken nasat avang chuan kan thil zawn duh pawh hengah hian thai lan a ni fo thin. Hetiang hian ‘intitle’ parameter hi hman tur a ni e.

intitle:ubuntu 8.04

‘Inurl’ pawh hi a hman dan chu ‘intitle’ nen a inang deuh chiah thung a. Amaherawhchu, a URL-ah zawk hei chuan a search thung a. URL chu Uniform Resouce Locator tihna a ni a. A awlsam zawngin weblink ti mai ila kan hrethiam tlang awm e. A hnuaia photo-ah hian URL lai chu thai bial a ni.

inurl:firefox addons

‘inurl’ leh ‘intitle’ parameter kan hman hian parameter dang kan hmang thei lova, an pahnih pawh hian a hman pawlh thei lo a ni.

Ubuntu 8.04 (code named - Hardy Heron) chu an vawiin April 24, 2008 hian an release ta! Zan dar 7:45 vel khan download theihin an dah chhuak chauh a ni. An server a lun hle a, download nghal an tam viau a nih hmel. Download Link

Download page-ah khian ‘Standard Personal Computer’ leh ‘64bit AMD and Intel Architecture’ tiin an dah a. Standard Personal Computer an tih khi 32bit (x86) architecture a ni a, khi khi ka recommend zawk a ni. A chhan chu 64bit Ubuntu-ah hian software install khirh tak tak a awm zauh zauh thin a, chuvangin 64bit Architecture computer hmang tan pawh 32bit download khi a him zawk a ni. Tin, support hi 64bit-ah chuan a tha lo zawk ngei ngei bawk.

Free a Ubuntu chah duh tan:
Registration Link
Login Page

Release hmasa lam ka lo chah tawhah kar khat vel a thang tlangpui a; mahse tunah chuan an release hlim a nia, nidang aiin hun a duh rei deuh ka ring.

Double Quote hman dan hi thil ho te anga lang siah chuan thil tangkai tak a ni ve ang. Kan thu search duh phrase(thu hlawm) kha kan hre chiang a nih chuan double quote (hetiangin, “keyword”) dah ila, Google search result hi a inthlifim nasa zual hle a ni.

Entirnan, Al Gore a documentary siam ‘An Inconvenient Truth’ tih kha ka lo zawng duh ta a; an, inconvenient leh truth te hi double quote chhunga ka dah khan Google result kha nasa takin a inthlifim lehzual dawn a. A nih loh chuan Google in an page lo save tawh a an leh inconvenient leh truth awmna hrim hrim page kha an rawn tilang dawn a ni. Hetiang hian search ila:

“An Inconvenient Truth” Al Gore

Google-a search keyword(thumal chhut luh) kan pek hi 32 aiin a tam tur a ni lova. Hei hi mi tam takin kan hre lo niin a lang. Google Algorithm hman laiah hian keyword hmasa 32 chauh hi a tangkai a, a bak zawng chuan tangkaina a nei lo a ni.